nu kumaha ari paroman jeung pasang peta anu heunteu kaleuleuwihi dina biantara teh? jentrekeun!

Kategori Soal : Bahasa Sunda - Biantara
Kelas : VIII (2 SMP)
Pembahasan :

Biantara nyaeta nepikeun kedalan atawa caritaan anu disusun sacara rapih jeung merenah di hareupeun jalma rea. Dina basa Indonesia, biantara hartina sarua jeung pidato. Umpama ditilik tina suasanana, aya dua rupa biantara, nyaeta biantara resmi jeung biantara teu resmi. Umumna komunikasi anu aya dina biantara nyaeta monolog. Biantara biasana direspon ku anu ngaregepkeunnana ku ngan saukur unggeuk, godeg atawa keprok.

Dina biantara, salian ti ngalarapkeun prinsip TAMAN nyaeta Tatag dina nyaritana, Actual dina temana, Munel dina eusina, Alus dina basana, sarta Ngandung wirahma, oge perlu merhatikeun yen dina biantara teh kudu bisa nunjukkeun paroman jeung pasang peta anu henteu kaleuleuwihan, nyaeta ku cara merhatikeun bentesna sora atawa lafal dina waktu nyarita, luhur handapna sora atawa lentong, pilihan kekecapan anu merenah, penjiwaan dina waktu nyarita, sarta pasemon anu someah.

Khusus dina biantara basa Sunda, pilihan kekecapan anu merenah teh utamana aya patalina jeung ragam basa anu digunakeun dina waktu nepikeun biantara. Dina basa Sunda aya dua ragam basa, nyaeta ragam basa hormat atawa lemes jeung ragam basa loma atawa kasar. Dina ragam basa lemes aya dua rupa basa lemes, nyaeta basa lemes keur ka sorangan atawa batur sasama atawa sahandapeun, jeung basa lemes keur ka batur anu saluhureun atawa anu dihormat.

Aturan anu aya patalina jeung ragam basa Sunda sok disebut oge Tatakrama Basa Sunda. Jadi, sanajan dina nepikeun biantara teh lafalna merenah, lentongna merenah, penjiwaanna alus jeung pasemonna someah, tapi umpama Tatakrama Basa Sundana henteu merenah mah bisa wae biantara anu ditepikeun teh jadi henteu merenah, malahan bisa wae pada nyeungseurikeun kana eta biantara.